ИДЕНТИТЕТ БАЧКО-СРИМСКИХ РУСНАЦОХ У ИСТОРИОҐРАФСКИМ И ПУБЛИЦИСТИЧНИМ ДЇЛУ ЕПИСКОПА ДИОНИЗИЯ НЯРАДИЯ

Сажетак

Епископ Дионизий Няради (1874–1940) бул єдна з найвизначнєйших особох за Руснацох у Кральовини Сербох, Горватох и Словенцох, односно Кральовини Югославиї. Тиж бул учашнїк зложених конфесийних и политичних одношеньох у Кральовини Югославиї и штреднєй Европи у периодзе медзи двома шветовима войнами. По своїх церковних функцийох бул крижевски епископ (1914–1940) поглавар Грекокатолїцкей церкви у Югославиї, папски администратор Грекокатолїцкей епархиї у Прешове (1922– 1927) у Чехословацкей републики и папски администратор у Подкарпатскей України (Руси) у чаше бурйових рокох пред початок Другей шветовей войни (1938–1939). У роботи ше виглєдує и анализує Нярадийово историоґрафске и публицистичне дїло у контексту його становискох о вирским и националним идентитету Руснацох у Бачки и Сриме. Аутор у своїм виглєдованю заключує же Нярадийова концепция идентитету Руснацох у Югославиї насампредз детерминована през грекокатолїцку виру и церковну припадносц (у историйним смислу) хтори источашнє були ядро националного, вирского и цивилизацийного идентитету заєднїци хтора чишлєла коло 20.000 припаднїкох, чий епископ бул член.