ЗДОГАДНЇК РЕҐРУТА

Сажетак

Период Другей шветовей войни у историоґрафиї Руснацох у Югославиї нєдостаточно обробени. Участвованє поєдинцох у войни лєм часточно обробене, найвецей участвованє у руху одупераня, у партизанских єдинкох и у войску Югославянскей народней амриї, и то преважно на основи усмених и зачуваних писмених виявох учашнїкох. Одводзенє поєдинцох до лаґрох у Нємецкей и у Мадярскей, мобилизованє до мадярского войска и участвованє у войни на рижних фронтох менєй обробене. Прето ”Потсетник регрута” Осифа Колошняя з Руского Керестура, у котрим вон педантно записал свойо рушанє од яри 1941. року, кед бул мобилизовани до войска Кральовини Югославиї, залапенє од СС єдинкох и одводзенє до лаґрох у Нємецкей и врацанє дому влєце истого року, познєйше мобилизованє до мадярского войска и одход на восточни фронт на початку 1944. року, дзе у борбох на териториї України и Билорусиї препровадзел даскельо мешаци, ранєнє на териториї Польскей и лїченє у шпитальох у Австриї и Мадярскей, а вец дальше участвованє у воєних операцийох по конєц войни представя драгоцини материял за виучованє участвованя Руснацох у Другей шветовей войни. Прилог – критичне публикованє интеґралного тексту ”Потсетник регрута” з коментарами.