БИБЛИОҐРАФИЯ РОБОТОХ ЯКОВА КИШЮГАСА

Сажетак

У тей роботи ше пробовало составиц библиоґрафию Якова Кишюгаса, визначного просвитно-педаґоґийного фаховца, автора велького числа читанкох, учебнїкох и приручнїкох за порядну и виборну (скорей факултативну) наставу по руски у основних школох и ґимназиї у хторей ше настава одвива на руским язику. Роботи буду подзелєни до вецей катеґорийох: читанки, кнїжки Руски язик и култура висловйованя, роботни лїстки, учебнїки за виборну наставу, лектири, робота на збиркох задаткох за упис до штреднєй школи, статї, прикази кнїжкох и рецензиї, а дати и прегляд литератури о авторови односно його професийней роботи. Як прилог библиоґрафиї, у роботи ше наводзи и кратка биоґрафия Якова Кишюгаса, у хторей препатрунок його роботи у настави, просвитно-педаґоґийней роботи, як и темох хтори Яков Кишюгас виглєдовал у рамикох наукових проєктох односно викладал на конференцийох.